Maite Aristegi eta Ana Mezo - Bertsopentsiotan ekimeneko antolatzaileak 2024-03-05

«Arrakasta hau ikusita Bertsopentsiotan proiektuak jarraipena izango du»

I. Bertsopentsiotan bertso jarri lehiaketak ekimenak aparteko arrakasta izan du, Euskal Herriko Pentsiodunen Mugimenduaren eskutik. Kulturgintzari ekarpen gisa planteatu dute proiektua eta 400 lagun bildu dituzte Tolosan bertsoaren bueltan. Iazko udazkenenean jarri zuten martxan ekimena eta ostiralean egin zuten sari banaketa ekitaldia Tolosako Zerkausi plaza lepo beteta.

Bat-bateko bertsoak eta bertso jarriak ekitaldian
Bertsopentsiotan ekimeneko sari banaketan bat-bateko bertsoak eta bertso jarriek izan zuten tokian. Anjel Mari Peñagarikano eta Millan Telleriak librean egin zuten saio bat bazkalondoan, pentsiodunen gaian zentratatuta. Ondoren, bertso sortak egin zituzten guztien diploma bana eman zieten, egindako lanaren aitortzan. 60 lanetik lau sari banatu ziren eta bost sortek aipamen berezia jaso zuten. Rikardo Gonzalez de Duranak irabazi zuen lehen saria.

Maite Aristegi eta Ana Mezo dira antolakuntzan ibili direnetako eta Bertsoa.eus-ek bien ahotik jaso ditu proiektuaren helburuak eta nondik norakoak.

Bertsoa.eus-ek bertso sarituetako lagin bat sareratuko du datozen egutenetan.