48. edizioa aurten 2024-08-26

Lizardi Sariko kanporaketak aste honetan

Lizardi Saria irailaren 6an jokatuko da Zarautzen eta aste honetan egingo dira bi kanporaketak Santa Klara komentuko aretoan, Motxian-Etxebeltz Bertsogunearen eskutik. Ostegunean eta ostiralean dira kanporaketak eta saio bakoitzean zortzi bertsolari ariko dira kantuan.

Lehenengo kanporaketan, ostegunean 22:00etan, honako zortzi bertsolari hauek ariko dira kantuan: June Aiestaran, Uxue Alkorta, Iruri Altzerreka, Unai Anda, Naia Arrizabalaga, Andoni Rekondo Izagirre, Maite Sarasola eta Aimar Sorazu.

Bigarren kanporaketan, ostiralean 22:00etan: Mikel Etxezarreta, Libe Goenaga, Idoia Granizo, Julene Iturbe Epelde, Araitz Katarain, Andoni Mujika "Anatx", Ane Peñagarikano eta Aitor Tatiegi.

Finalean, sei bertsolari ariko dira kantuan. Iaz Aner Euzkitzek eraman zuen txapela eta Andoni Rekondo gelditu zen bigarren.