Larunbatean Urretxun eta Igandean Lasarte-Orian 2024-09-13

Gipuzkoako Bertsolari Txapelketa hastera doa

Iritsi da. Larunbatean hasiko da Gipuzkoako Bertsolari Txapelketa, Urretxun eta Lasarte-Orian jokatuko da bigarren saioa igandean. Bi saioetako irabazleak zuzenean sailkatuko dira final-laurdenetara, eta gainontzekoek puntuazioaren arabera izango dute horretarako aukera.

Urretxuko saioan, irailaren 14an, bertsolari hauek ariko dira kantuan:

    Andoni Rekondo Izagirre
    Ane Zuazubiskar Iñarra
    Antton Aizpurua Aldape
    Jon Gurrutxaga Urbieta
    Mikel Iturriotz Etxaniz
    Unai Mendizabal Jauregi

Gai-jartzaile Ion Zaldua Brit ariko da.

Ganbara saio erdian eta bi gai, txandaka
Bertsolariek egin beharreko ariketen aldetik, ganbarako lanaren kokapena eta izaera da berritasun nagusia. Bi ofizio egin eta ondoren ganbarako lana egingo dute bertsolariek, saio erdian. Ondoren beste bi ofizio izango dituzte.

    Binaka, gaia emanda, zortziko handian, hiruna bertso.
    Binaka, gaia emanda, zortziko txikian, hiruna bertso.
    Ganbara bi gairekin: bakarka, gaia emanda, nahi den doinu eta neurrian, hiruna bertso.
    Binaka, gaia emanda, hamarreko txikian, hiruna bertso.
    Binaka, gaia emanda, lauko handian seina kopla.

Epaileak: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil eta Zigor Leunda Eizmendi. Idazkari lanetan, aldiz, Aratz Irazustabarrena Garmendia ariko da. Fase osoan epaile talde bera ibiliko da.

Igandean Lasarte-Orian, bigarren final-zortzirena

    Aitor Zubikarai Salegi
    Amaia Iturriotz Etxaniz
    Aner Peritz Manterola "Euzkitze"
    Iñigo Mantzizidor Larrañaga
    Manu Goiogana Bengoetxea
    Oier Etxeberria Zubimendi

Gai-jartzaile lanetan Haritz Alberdi Alberdi ariko da.

24 bertsolari sailkatuko dira
Lehen fase honetan udaberriko sailkepen fasetik pasa direnek kantatuko dute eta final-laurdenetan sartuko dira aurreko finalistak. 42 bertsolarik kantatuko dute zazpi saiotan eta 24 sailkatuko dira final-laurdenetarako: saioko zazpi irabazleak eta hamazazpi puntuazioz.