Gipuzkoako Txapelketa - Final-laurdenak 2024-10-20

Alaia Martinek irabazi du Eibarren, Coliseoa beteta

Eibarren jokatu zen atzo Gipuzkoako Txapelketako lehenengo final-laurdena Coliseo aretoan 500 lagun inguru bilduta. Alaia Martinek irabazi zuen saioa, 531,5 puntu eskuratuta eta oiartzuarrak finalaurrekoetan kantatzeko txartela eskuratu zuen. Zarauzko saioan izango da azaroaren 24an. Hona hemen atzoko saioko sailkapena:

    Alaia Martin Etxebeste ------------------------------------ 531,5
    Agin Laburu Rezola --------------------------------------- 503,5
    Eneko Araiztegi Agirre  ----------------------------------- 469
    Haizea Arana Cardenal ----------------------------------- 458,5
    Manu Goiogana Bengoetxea ------------------------------ 448
    Aratz Igartzabal Bidegain -------------------------------- 438

Gai-jartzaile lanetan Iban Narbaiza Cevidanes aritu zen. Epaile lanetan, berriz: Amaia Otxotorena Gamio, Karlos Ibarguren Olalde, Maite Sukia Olano, Oihana Aranguren Etxaniz eta Zigor Leunda Eizmendi. Idazkari, aldiz, Nerea Goñi Begiristain.

Fase honetan bost final-laurden izango dira. 30 bertsolarik kantatuko dute eta 18 sailkatuko dira finalaurrekoetara. Saioetako bost irabazleak zuzenean eta beste 13 puntuen baitan.

Gaur Errenterian, sarrera denak agortuta
Final-laurdenetako bigarren hitzordua Errenterian izango da gaur 17:00etan.