Frontoian , 17:30etan 2024-10-22

Nafarroako Bardoetako finala larunbatean Garesen

Nafarroako bertsolaritzaren oinarria lantzea eta indartzea helburu, irailaren 13an hasi zen Bardoetako Txapelketaren 7. edizioa eta larunbat honetan jokatuko da finala Garesen. Ligaxka fasea eta finalaurrekoak igarota, 19. saioa izango da finalekoa. Izan ere, Nafarroako eskualde guztietara eraman dute Bardoek bertsolaritza: Nafarroa iparraldetik Tuteraraino. Lesaka, Sunbilla, Lizarra, Iruñea (hiru saio), Lekunberri, Olazti, Lekaroz, Leitza, Atarrabi, Erronkari, Eugi, Errazu, Irurtzun, Tafalla, Etxauri, Irunberri eta Tuteran egin dira orain arteko saioak. Larunbatean Garesen hitzordua.

Bortzirietako eta Baztango hiru talde ariko dira finalean kantuan: Baztanzopak, Hor GU eta Mutilatuak taldeak.

Baztanzopak taldea
Taldekideak: Malen Alzuart, Alazne Untxalo, Irati Majuelo, Amaia Elizagoien, Ane Fagoaga, Markel Adin, Maddi Etxebeste eta Lierni Oteiza.

Hor GU taldea
Taldekideak: Ekhiñe Zapiain, Maddi Ane Txoperena, Kattin Madariaga, Estitxu Arozena, Ane Telletxea, Lide Igoa, Uxue Mesa eta Iratxe Muxika.



Mutilatuak taldea
Taldekideak: Julen Zelaieta, Eneko Fernandez, Patxi Castillo, Urko Gartzia eta Iban Garro.

Saioa frontoian eta ondoren afaria
Bardoetako finala Garesko frontoian izango da 17:30etan hasita eta ondoren, helburu eta filosofiari eutsiz, afari giroan emango zaio errematea. Bietarako sarrerak eskuragarri daude www.bertsozale.eus atarian.