Beñat Gaztelumendi Arandia - Gipuzkoako txapeldunorde eta txapeldun ohia 2024-12-16

«Uste dut gure erreleboa emana dagoela eta alde horretatik satisfazio handiarekin uzten dut»

Beñat Gaztelumendik Gipuzkoako Txapelketari agur esan zion Illunben joan den larunbatean. Erreleboa emanda dagoela uste du eta alde horretatik satisfazio handiarekin uzten duela adierazi du. 2007an sartu zen bertsolari añorgarra lehenengoz finalera, 20 urterekin. Donostiako zezen-plazan Añorgako txahala buruz-burukoraino iritsi zen Txapelketa Nagusiko finalista eta finalista ohien aurretik. 2011ean ere buruz-burukoraino iritsi zen eta bi txapel irabazi zituen ondoren, 2015ean eta 2019an. Gaztelumendik hasitako tokian agurtu du Gipuzkoako Txapelketa: Illunben eta buruz-burukoan.