Otsailak 4 santa ageda bezpera 2025-01-31

Santa Ageda eta Santibate koplak asteburuan eta datorren asteartean

Jexux Mari Irazu

Asteburu honetan etxe atari, ezkaratze, sukalde, plaza eta kaleetan Santa Ageda eta Santibate koplak izango dira, koru eta soinujoleekin lagunduta. Egun osoko ekinaldiak egiten dituzten tokietan larunbatarekin edo igandearekin egiten dituzte, jendeak parte hartzeko aukera errazteko. Halaxe izango da Mutrikun, Soraluzen, Amallon, Aramaion. Heletan ere larunbat arratsaldez izango da Santibate saioa. Beste herri askok Santa Ageda bezperan egingo dute etxez-etxeko edo kaleko itzulia, datorren asteartean.



Doinu berezia Zeanurin
Dioste salbe edo Bedeinkatua izan dedila kopla doinua baliatzen da gehienean baina bada bestelakorik ere. Zeanurin, esaterako Sanda Agedaren narrazioa kontatzen da indar handiko kopla doinu berezi batean.