Subijana etxean egingo da 2009-11-18

Gaur izango da Mintzola Fundazioaren aurkezpena

 Martxan dago Mintzola Fundazioa. Villabonako Subijana etxean kokatuta dago. gaur izango da aurkezpen ofiziala, etxe horretan bertan. Honako hau izango da egitaraua:

 17:00 Sarrera
 17:15 "Ahozko Ondarearen bilketaz eta hedapenaz"
       Asier Sarasua Aranberri. Badihardugu Elkarteko arduraduna

 17:45 Bertsozale Elkartearen ekarpena
       Ander Lipus, Andoni Egaña eta Ainhoa Agirreazaldegi

 18:15 "Ahozkoa aztertu eta irakatsi"
       Itziar Idiazabal Gorrotxategi. EHUko Irakasle katedraduna

 Goizean, berriz, harrera egingo dute.

 Mintzola Fundazioa bi helburu nagusirekin sortu zen. Alde batetik, euskararen ahozko tradizioaren behatoko dinamikoa izatea. Eta, bestetik eta horren bidez, gizarteak ahozko komunikazioaren esparruan dituen premiei erantzuna ematea. Fundazioak lau kide ditu: Gipuzkoako Foru Aldundia, Villabonako Udala, Euskal Herriko Bertsozale Elkartea eta Euskal Herriko Unibertsitatea. Fundazioko zuzendari lanetan Josune Zabala dabil maiatz hasieratik hona.

• 
•