Larunbatean 21:00etan ETB1en 2025-03-06

Legazpi eta Itziarko bertso afariak Hitzetik Hortzeran, Amaia Elizagoien gonbidatu dela

Hitzetik Hortzerako 25. programak Itziar eta Legazpiko bertsoak dakartza. Maialen Lujanbio eta Andoni Egaña aritu ziren Itziarren, Ander Zulaikak gaiak jarrita. Nerea Elustondo eta Andoni Rekondo Legazpin, Mikele Arizkorreta gidari zutela.



Amaia Elizagoien bertsolari eta ipuin kontalaria asteko gonbidatua
Amaia Elizagoien Ameli ipuin kontalaria eta bertsolaria elkarrizketatuko dute aste honetan Hitzetik Hortzeran. Umetatik izan du ipuinekiko zaletasuna Amaia Elizagoienek eta duela 10 urte hasi zen ipuin kontaketan. Ipuinekiko pasioa eta ipuinek ematen duten bidaiatzeko aukerez arituko da hizketan Mirari Martiarenarekin. Eta nola ez, baita bertsolaritzaz ere.



Larunbat gaueko programa bukatzeko, Manu Bendalaren bertso sorta musikatuaz gozatzeko aukera izango da. Deskubritu dezagun mundua batera izenburuko sorta kantatuko du Manex Pagola musikariak lagundurik.



Hitzetik Hortzera, larunbatean 21:00etan ETB1en.