Arabako bertso kuadrillartekoa - finalaurrekoak 2025-03-18

Gillernan erabakiko da Arabako Kuadrillarteko laugarren finalista

Jexux Mari Irazu

Arabako Bertso Kuadrillartekoak baditu hiru finalista: Lautadako 4 gara, Gasteizko Pinto Pintto eta Aiaraldeko Altubepekoak. Igandean erabakiko da laugarren finalista Gillernan jokatuko den azken finalaurrekoan. Lau talde ariko dira kantuan: Gasteizko bi talde, Gorringo eta Errexela, Gorbeialdeko Arlobiko Bardoak taldea eta Aramaixoko taluek taldea.

Lau talde izaki, aurrekoan bezala hiru saiotara erabakiko da azken finalista. Goizean Gasteizko Gorringo eta Aiaraldeko Arlobiko Bardoak taldeak jokatuko dute saioa. Arratsaldean, Gasteizko Errexela eta Aramaixoko taluen txanda izango da. Azkenik, bi irabazleek elkarren kontra jokatuko dute eta hor erabakiko da finalerako txartela. Finala Gasteizen da apirilaren 5ean.







Sarrerak www.bertsosarrerak.eus-en
Azken finalaurrekorako eta finalerako sarrerak eskuragarri daude Bertsosarrerak atarian.