Irurtzunen jokatu zen finala 2025-04-11

Kattin Madariaga Nafarroako Eskolarteko txapeldun

Nafarroako Eskolarteko Txapelketako finala jokatu zen atzo Irurtzunen, Pikuxar Euskal Txokoan. Sei bertsolari aritu ziren finalean: Enaitz Zestau-Telletxea (Bera), Ibai Letona Garaikoetxea (Iruñea), Iradi Goñi Montiel (Iruñea), Iraun Zestau-Telletxea (Bera), Kattalin Lizarraga Mendia (Leitza) eta Kattin Madariaga Apaolaza (Arantza). Lan puntuagarriak eginda, Kattin Madariagak eskuratu zuen Nafarroako Eskolarteko txapela hirugarrenez. Joana Ziganda Olanoren eskutik jaso du txapela. Kattalin Lizarraga gelditu zen bigarren.

Saats Karasatorre ariko da gai-jartzaile lanetan. Epaile lanetan Amaia Telletxea, Jon Diaz de Mendibil eta Joseba Beltza ariko dira.

Madariagak eta Lizarragak ordezkatuko dute Nafarroa Euskal Herriko Eskolarteko finalean, Arantzan, ekainaren 14an. Ikastolen Elkarteak eta Nafarroako Bertsozale Elkarteak antolatzen duten sariketa da.



Ondorengo finalak
Eskolartekoa ari da herrialdeetan bere bidea egiten. Joan de ostiralean Gipuzkoako finala jokatu zen. Maiatzaren 24an jokatuko da Arabako finala Aramaion; maiatzaren 31an Bizkaikoa, Iurretan eta ekainaren 7an Xapelgoko finala, Itsasun. Euskal Herrikoa, Arantzan, ekainaren 14an, 16:30etan.