Arabako Txapelketako finala aurkeztu dute gaur Gasteizen 2026-03-25

Araba final berri eta ireki baten aurrean

Jexux Mari Irazu

Arabako Txapelketako finala aurkeztu du gaur Arabako Bertsozale Elkarteak finala jokatuko Europa Biltzar Jauregian. Sei finalistak eta txapel emailea, Martxoak 3 Elkarteko kidea izan dira aurkezpenean, Uxue Diaz de Cerio antolakuntza arduradunak gidatuta.

Azken hiru txapeldunak eta hiru finalista berri elkartuko ditu Arabako finaleko oholtzak. Aspaldiko finalista berri gehiena. Bertsolariak gogotsu eta final on bat egiteko arduraz mintzatu dira. Finalerako bidean izandako presioak alde batera utzi dituztela adierazi dute hiru txapeldunek eta gogotsu datoz hiru berriak. Maddi Agirre (Gasteiz, 2005) da seikoteko gazteena eta Iñaki Viñaspre (Abetxuko, 1984) beteranoena. Seikotea osatuko duten beste lauak: Peru Abarrategi (Aramaio, 1997), Unai Anda (Ametzaga, 1999), Aroa Arrizubieta (Gastiez, 2001) eta Martin Abarrategi (Aramaio, 2001). Maddi Agirre sailkatu da finalera puntuazio altuenarekin. Txapelerako aukerak zabal-zabalik daude.

Martxoak 3 Elkarteko ordezkariak bertsolarien transmisio lana nabarmendu du.

Protagonisten adierazpena gutxi barru.