Gazteetan Jone Alberdi nagusitu da 2009-12-15

Aitor Mendiluzek irabazi du Balendin Enbeita bertsopaper lehiaketa

 Balendin Enbeita bertsopaper lehiaketaren 9. edizioa jokatu da aurten. Algortako Bertsolari Eskolak antolatutako lehiaketa da, eta honako hauek dira sarituak:

 Nagusien mailan Aitor Mendiluzek eskuratu du sari nagusia “Nork ez du lorerik entzun?” lanarekin. Nikolas Zendoia gelditu da bigarren eta Jone Uria, berriz, hirugarren.

 Gazteen mailan, 18 urtera artekoetan, alegia, Jone Alberdirentzat izan da txapela. “Bizitzaren bila” izaeneko lana idatzi du. Bigarren Ainhoa Mujika izan da eta Imanol Uria hirugarren.

 Epaile lanetan Mirari Azula, Trino Azkoitia, Juanjo Respaldiza eta Joseba Santxo aritu dira.

 Larunbat honetan banatuko dira sariak, urtero antolatzen den Ahobien Galaren barruan. Iluntzeko 19etan hasiko da emanaldia, Andres Isasi Musika Eskolan. Lehendabizi bertso-saioa egingo dute honako bertsolari hauek:

 Aitor Sarriegi

 Onintza Enbeita

 Julio Soto

 Jone Uria

 Ondoren eskolako gazteenek emanaldia egingo dute, eta urtearen errepasoa ere egingo dute argazki bidez. Azkenik, sariak banatuko dira.