Nafarroako Txapelketaz ere ariko dira 2010-02-25

Andoain eta Lezoko saioak emango ditu Hitzetik Hortzerak

 Hiru saio izango dira aste honetako Hitzetik Hortzera programaren ardatz.

 Alde batetik, ostiralean Andoainen Sahararen alde izandako saioa emango dute. 240 bat lagun elkartu ziren Bastero kulturgunean. Honako bertsolari hauek kantatu zuten:

 Aitor Mendiluze
 Anjel Mari Peñagarikano
 Sustrai Colina
 Aitor Sarriegi
 Iker Alustiza
 Beñat Gaztelumendi

 Bestalde, Etxarri Aranatzen jokatu zen larunbat arratsaldean Nafarroako Bertsolari Txapelketako bigarren finalaurrekoa. Honela gelditu zen sailkapena:

 Julio Soto         421
 Estitxu Arozena    397
 Oskar Estanga      392
 Xabier Terreros    390,5
 Ander Iturri       370,5
 Saioa Alkaiza      336

 Asteburuko saioekin bukatzeko larunbatean bertan Lezon izandakoa emango dute aste honetako programan. Honako bertsolari hauek kantatu zuten bertan:

 Amets Arzallus
 Sustrai Colina
 Jexux Mari Irazu
 Beñat Gaztelumendi

 Saroi Jauregik jarri zizkien gaiak. Hala ere, saioaren erdialdera bertako bertso-eskolako gaztetxoak atera ziren puntu bihurriak inpintzera.

 Joan zen asteburuan hil zen Juanito Perurena bertsolari nafarra. Berari ere tartea eskainiko diote aste honetan eta Imanol Lazkanok eta berak 1991n Etxalarren egindako saioa eskainiko dute.

 Bukatzeko, Ainhoa Agirreazaldegik Haitiri buruz idatzitako bertso-sorta ere ikusgai izango da.

 Astero bezala bi egunez emango dute Hitzetik Hortzera programa. Ostegunean, gaueko 22etan, ETB3n izango da. Igandean, berriz, arratsaldeko 15etan, ETB1en. Igandeko programa ohi baino laburragoa izango da.

 Nahi izanez gero, programako edukiak internetez ere ikus ditzakezue hemen klik eginez.

 


 Argazkia Galder Izagirrek aterea da.

• 
•