Arabako Kuadrilla Arteko Txapelketa 2010-03-02

Kakiturri-Ehari eta Lautadako taldeak nagusitu dira

 Larunbatean Arabako Kuadrilla Arteko Txapelketako bi kanporaketa jokatu ziren.

 Zalduondoko Zeledon Txiki elkartean honako hauek neurtu ziren:

 -Lautadako taldea: Jon Pinedo, Oier Suarez, Maialen Mateo, Bingen Sainz, Jon Unai Axpe eta Oihane Perea
 -Errioxako taldea: Orlando Arreitunandia, Edurne Azkarate eta Endika Sarabia

 Gaiak Jone Otxoak eta Beñat Oribek jarri zituzten. Azkenean Lautadako taldea nagusitu zen, Bat-bateko saioaz gain Bertso-sorta Kolektiboen txapelketa ere izan zen. Zalduondo eta Aguraingo bi talde neurtu ziren. Azkenean Aguraingo makarrak nagusitu ziren.

 Gasteizen, berriz, Aizkora tabernan, honako hauek neurtu ziren:

 -Aizkorak Zorroztu: Irati Anda, Ruben Sanchez, Ander Solozabal eta Jagoba Apaolaza
 -Kakiturri-Ehari: Juan Mari Juaristi, Asier Otamendi, Rikardo Gonzalez de Durana eta Felipe Zelaieta

 Saioa Kandido Andak aurkeztu zuen. Hemen Kakiturri-Ehari taldea nagusitu zen. Bertso-sorta Kolektiboen sariketan, berriz, Bertso Gurasoak nagusitu ziren.

• 
•