Arabako Koadrilla Arteko Bertso Txapelketa 2010-03-15

"Kakiturri-Ehari" eta "Izarrako Bertso-eskola" nagusitu dira

 Arabako Koadrilla Arteko Bertso Txapelketan bi kanporaketa jokatu dira asteburuan.

 Ostiralean Izarrako frontoian izan zen saioa, Zuia-Gorbeialdeko ligan. Kanporaketa jokatzerako Aramaioko taldea sailkatuta zegoen. Izarran "Izarrako Bertso-Eskola" eta "Elosuko Iturrigorri" neurtu ziren. Izarraren izenean Zigor Enbeita, Alberto Martinez "Betto" eta Unai Gomez jardun ziren kantuan. Elosuko Iturrigorritik, berriz, Estitxu Saratxo, Josu Ormaetxea, Nagore Irazabal eta Elyem Chej. Lehenengoak nagusitu ziren.

 Bertso Sorta Kolektiboen alorrean, berriz, bi talde aritu ziren: Amurriokoa eta Pandoraren kutxa. Amurriokoak izan ziren nagusi.

 Larunbatean Gasteizko Ehari auzoan izan zen saioa, Kakiturri elkarte gastronomikoan. "Kakiturri-Ehari" eta "Muñoko katuak" aritu ziren kantuan. Kakiturriren izenean Asier Otamendi, Rikardo Gonzalez de Durana eta Gaizka Urtaranek kantatu zuten. "Muñoko katuen" izenean Amaia Lasaga, Ekaitz Samaniego, Uxue Ruiz de Arkaute, Maialen Saez de Ocariz, Iñaki Viñaspre eta Maite Solozabalek kantatu zuten. Lehenengoak nagusitu ziren.

 Bertso-sorta kolektiboen lehiaketan "Trebiñuko Gutxisolo" eta "Gasteizko Aldapazaleak" aritu ziren, eta azken hauek irabazi zuten.

 Gauza honela, Gasteizko Ligatik Kakiturri-Ehari sailkatua dago hurrengo faserako, saio baten faltan. Honela dago sailkapena hiru ligetan:

 AIARA-LAUTADA-ERRIOXAKO LIGA:
 1.- Aiaraldeko Altubepekoak   1
 2.- Lautadako Sorgiñetxe      1
 3.- Errioxa                   0

 GASTEIZKO LIGA:
 1.- Kakiturri-Ehari           2
 2.- Muñoko Katuak             0
 3.- Aizkorak Zorroztu         0

 ZUIA-GORBEIALDEKO LIGA:
 1.- Aramaio                   2
 2.- Izarrako Bertso-Eskola    1
 3.- Elosuko Iturrigorri       0

• 
•