Nafarroako Bertsolari Txapelketaz ere ariko dira 2010-03-18

Erniarraitzeko finala eta Eibarko saioa emango ditu Hitzetik Hortzerak

 Aste honetan ere Hitzetik Hortzera programa izango da ikusgai. Aste honetan ere ostegunean 22etan emango dute ETB3n. ETB1en igandean izango da, arratsaldeko 15etan. Eta internetez ere ikusi ahal izango da.
 
 Aste honetako programak bi saio izango ditu ardatz. Alde batetik, joan zen ostiralean Azpeitin izan zen Erniarraitz sariketako finalaz ariko dira. Alaia Martinek jantzi zuen txapela, Unai Gaztelumendi gaindituta. Bertsorik onenaren saria Asier Azpirozek eskuratu zuen.

 Eibarren, berriz, bertso-bazkaria egin zen Arrate Kultur Elkartean. Amets Arzallus eta Sebastian Lizaso aritu ziren bertsotan eta saioko bertsorik onenak eskainiko ditu programak.

 Bestalde, Nafarroako Bertsolari Txapelketako finala larunbat honetan jokatuko denez, tarte bat ere eskainiko zaio txapelketari. Julen Zelaieta, Arkaitz Goikoetxea, Xabier Legarreta, Oskar Estanga, Xabier Terreros, Estitxu Arozena eta Julio Soto ariko dira bertan, eta hurbiltzeko gonbidapena egingo dute.

 Ohiko ataletan bada nobedaderik. Izan ere, lehiaketan aste honetan emango dituzte lehenengo bertsoak. Gogoratu irabazleak Berlfasteko Bertso-Dinner-era joateko aukera izango duela. Gainera, jasotako saio bat ere emango dute: bertsozale batek ITziarko Gazte Egunetan emandako saioa, alegia. zuri-beltzekoan, ostera, "1973an Gabirin Mattinek kukurruku egin zuenekoa. Bertso bitxiak Ahetzeko artistarenak, eta gai jartzailea ere bitxia: Iñaki Murua aritu bait zen lan horretan artean 17 urte baino ez zituela. Egun hartako detaileak kontatu ditu Bertsozale Elkarteko lehendakariak."

• 
•