Karrikestu Elkarteak antolatuta 2010-04-16

Euskal Herriko Bertso Afari Txapelketa Etxarri Aranatzen

Karrikestu Elkarteak horrela laburbildu du urtero egin nahi duten ekimen honen helburua: “Bertsolari gazteak eta zale gazteak, herritar ez hain gazteekin BATuta gozatzen, herri honek oraina eta etorkizuna baduela ikusiko dugu. Bertsolaritza, bidenabar, gora eta gora doan sormen lan eredugarria baita, gurean ere, Etxarrin, gero eta oihartzun handiagoa lortzen ari dena, gero eta leku gehiagotara iristen ari dena”.

6 bertsolari gaztez osaturiko bertso afari eta bertso txapelketa izango da Euskal Herriko Bertso Afari Txapelketa. Iparralde, Bizkaia, Gipuzkoa eta Bizkaiko bertsolari bana eta Nafarroako bi izango dira. Honako bertsolariek hartuko dute parte aurtengo edizioan:

Odei Barroso (Urruña, Lapurdi)
 Eneko Lazkoz (Etxarri Aranatz, Nafarroa)
 Aitzol Barandiaran (Ataun, Gipuzkoa)
 Jone Uria (Algorta, Bizkaia)
 Jon Elizetxe (Gartzain, Nafarroa)
 Iñaki Viñaspre (Abetxuko, Araba)

Dena prest dago. Karrikestu elkarteak egin ditu antolakuntza lanak, Etxarriko Udalaren, Bierrik Fundazioaren eta Nafarroako Bertsozale Elkartearen laguntzaz. Afari ona, giro ona eta gozamena ziurtaturik daude.