Bilboko Kafe Antzokian 2010-04-22

"Bertsoa & Jazza"-ren azkeneko emanaldia izango da gaur

 2008an abiatu zen "Bertsoa & Jazza" emanaldia, Donostian, Jazzaldiaren barruan. Ordutik hona 8 emanaldi egin dituzte: Iruñean (Gaiarren), Tolosan (Leidorren), Eibarren (Koliseoan), Zarautzen (Malekoian), Gasteizen (Matxete plazan) eta Durangon (Landakon). Bilbon ostegunean egingo dute azkeneko saioa, atseden bat hartzeko asmoz. "Norberak esperientzia honetatik ikasi duena aztertu, norbere esparruan aplikatu eta hurrengoan... hurrengorako bada oinarri bat jada!"

 Emanaldian munduko inprobisazioaren bi erakusgarri elkartzen zituen: jazza eta bertsoa. Bertsolariak lehenago ere aritu izan dira musikariek lagunduta, baina, honako honetan berezitasun bat gehitzen zitzaion jardunari: musikariek ere inprobisatu egiten zuten. Helburu nagusia bi diziplinen arteko elkarrizketa bat sortzea izan da.

 Honako bertsolari hauek aritu izan dira kantuan:

 Maialen Lujanbio
 Jon Maia
 Amets Arzallus
 Andoni Egaña

 Musikari ezagunak izan dituzte ondoan:

 Bixente Martinez (gitarra)
 Hasier Oleaga (bateria)
 Asier Ituarte (tronboia)
 Julen Izarra (saxoa)
 Jon Piris (kontrabaxua)

 Unai Elizasu aritu da saio guztietan gaiak jartzen.

 Esan bezala, gaur egingo dute azkeneko emanaldia, Bilbon, Kafe Antzokian, iluntzeko 21:30etatik aurrera. Sarrerak 10 eurotan jarriko dira salgai. Internet bidez ere eskura daitezke, hemen klik eginda.

• 
•