Muñoa, Egaña, Xabi Paya eta Labaka bertsotan 2010-05-05

Kultur disziplina desberdinen arteko jaialdia Lasarten

Kultur disziplina ezberdinak bilduko dituen jaialdia antolatu du Lasarten Ttakun kultur Elkarteak, azken urteetako bideari jarraiki. Bertsoa, dantza, musika, antzerkia eta abar izango dira bertan. Bertsotan, Unai Muñoa, Andoni Egaña, Xabi Paya eta Ane Labaka arituko dira. Jaialdia larunbatean da, 22:00etan, Manuel Lekuona kultur etxean.

Jaialdi berezi honen helburua da "gazteei, euskara ikaste prozesuan daudenei, bertso mundutik urrun dabiltzanei bertsoa dosi txikietan ematea. Beste diziplinekin nahasian, eta herrian beste kultur diziplinetan dabiltzanei azaltzea bertsoak edozein kultur adierazpenekin bat egin dezakela. Beraz, elkarlana eta mestizajea."

Aurtengo partaideak:
Xumela korua, Erketz dantza taldea, Udal musika eskolako trikitilariak eta flauta boskotea, Antzerki eta dantza eskolako antzezleak eta dantza garaikideko 3 talde, Senblante andaluzeko dantzariak, Pirritx, Porrotx eta Marimotox, Danza-rin dantza eskola, Aitor Lasa soinujotzailea.