Eskolarteko Txapelketak 2010-05-28

Finalak jokatuko dira gaur Gipuzkoan eta Nafarroan

 Azkeneko asteotan martxan egon dira Eskolarteko Txapelketak Euskal Herri osoan. Herrialde batzuetan finalak iritsi dira dagoeneko:

 Gipuzkoako Eskolarteko Txapelketa

 Gaur jokatuko da Gipuzkoako Eskolarteko Bertsolari Txapelketako finala, Lezoko Bekoerrota Udal Kiroldegian, arratsaldeko 16etatik aurrera. Bi kategoriatan bereizi dira parte-hartzaileak. Gaztetxoen mailan, 14 urte artekoetan, honako 4 talde hauek sailkatu dira finalerako:

 -Oiartzungo taldea: Jon Otegi, Aitzol Salaberria, Iraitz Mateo eta Beñat Oiarbide
 -Goierriko taldea: Paul Iruretagoiena, Aratz Igartzabal, Mikel Oria eta Eneko Araiztegi
 -Urretxu-Zumarraga taldea: Maialen Akizu, Leire Akizu eta Jon Mendizabal
 -Zarauzko taldea: Amaia Urbieta, Paul Beitia, Ibai Goikoetxea eta Jone Makazaga

 Gazteen mailan (15 eta 18 urte artekoak), berriz, honako bertsolari hauek sailkatu dira finalerako:

 Ane Labaka
 Amaia Iturriotz
 Eñaut Martikorena
 Gema Urteaga
 Mikel Iturriotz
 Imanol Irazustabarrena
 Elixabet Pagola
 Izaro Zinkunegi

 Aurtengoan 1000 ikasle baino gehiago aritu dira Gipuzkoako Eskolarteko Txapelketan. Gaztetxoen mailan 54 bertsolarik eman zuten izena, 14 taldetan banatuta. Gazteen mailan, berriz, 18 bertsolari aritu dira. Idatzizko kanporaketetan, azkenik, 1072 gazte inguruk hartu dute parte. Idatzizkoen ataleko sariak ere ostiralean bertan banatuko dituzte. Andoni Egaña ariko da gaurko saioa aurkezten.

 Nafarroako Eskolarteko Txapelketa

 Nafarroan 14 eta 18 urte artekoen finala jokatuko dute gaur. Aurretik ez dute kanporaketarik jokatu. Berako Kultur Etxean izango da saioa, arratsaldeko 18etatik aurrera. Gaztetxoek datorren astean egingo dute finala.

• 
•