Eskolarteko txapelketak 2008-05-24

Eskolartekoak baditu finalistak Gipuzkoan eta Bizkaian

Gipuzkoako eta Bizkaiako Eskolartekoek badituzte finalistak. Gipuzkoan, helduetan hauxe da zortzikotea: Nekane Zinkunegi eta Eneritz Arzallus errezildarrak, Ane Labaka lasartearra, Asier Azpiroz zubietarra, Ainhoa Mujika besaindarra, Oihana Iguaran amasarra, Beñat Alberdi oñatiarra eta Endika Igartzabal gabiriarra. Txikietan taldeka parte hartzen dute eta honako hauek sailkatu dira: Hernani, Zarautz, Goierri-Asteasu eta Zumarraga-Urretxu.  Finala Iruran da, 16:00etan hasita, baina, aldez aurretik bapatean parte hartu dute guztiek bazkaria izango dute Gazte Alaiak elkartean, Eskolartekoak lehen zuen festa giroa berreskuratze aldera. Finalean, Andoni Egaña arituko da aurkezten. Epaile: Patxi Petrirena, Nahikari Gabilondo eta Zigor Leunda, Gipuzkoako Bertsozale Elkarteko gai-jartzaile taldeko kideak. Gaiak ere Gipuzkoako gai-jartzaile taldeak jarri ditu.

Bizkaian, honako gazte hauek izango dira  finalean, Bilbon, ekainaren 5ean. Helduetan, Maialen Markaida Berangokoa, Imanol eta Jone Uria algortarrak, Aitor Beitia bermeotarra, Miren Amuriza berriztarra, Xabier Iturrazpe lekietiarra,  Irati Erkizia bilbotarra eta Pello Ormazabal Arrigorriagatarra. Umetan berriz, sei arituko dira kantuan: Nerea Ibarzabal eta Josune Aramendi markinarrak, Malen Amenabar larrabetzuarra, Beñat Iturbe eta Maria Gorriño zornotzarrak eta Sarai Goitia lekeitiarra.

Finaleko aurren-bigarrenak Euskal Herrikorako sailkatuko dira, heldu zein txikietan. Euskal Herriko finala Altsasun da, ekainaren 21ean.

• 
•