Bagera Elkarteak antolatuta 2008-06-02

Bertso Hautatuen Lehiaketa afaria Donostian

Bertso Hautatuen Lehiaketa afaria antolatu du Bagerak Donostiako Txirain elkartaen, ekainaren 20rako. Ekitaldiaren  asmoa  bertso-afarien  barruan formatu berri bat eskaintzea da,  bertsozaleek  gustuko  dituzten  bertso  pieza  ezagunak eta ez hain ezagunak zabalduz, lagunarteko une atsegin bat igarotzeko.

Lehiaketan  parte  hartu  nahi  duenak, gehienez, hiru bertsoko pieza bat aurkeztu behar du, eta bertso horiek ez dute lehiaketa honetarako sortuak izan behar, baizik eta beste bertso saio edo argitalpenen batean jatorria dutenak.

Bertsoa  aurkezten  duen  berak  abestu beharko du lehiaketan, eta egokia izan daiteke aurkezpen labur bat egitea. Lehiaketan aurkeztea doan izango da. 

Sariak   banatzeko   epaile   lana   afariko  kideen  esku  geratzen  da, bertso-piezen  originaltasuna  eta  kalitatea  nahiz  bertsoa  kantatzeko egokitasuna kontuan hartuz egingo duten bozketaren bidez.