Nafarroako Bertsozale Elkartearen Batzar Nagusia 2011-02-03

Alaitz Rekondo da Nafarroako Bertsozale Elkarteko lehendakari berria

 Joan zen larunbatean Nafarroako Bertsozale Elkartearen Batzar Nagusia egin zen, Lesakan. Bertan aurtengo egitasmoa zehazteaz gain iazko kontuak eta aurtengo aurrekontua onartu ziren. Eta beste erabaki garrantzitsu bat ere hartu zen: hemendik aurrera lehendakari berria izango du Nafarroako Bertsozale Elkarteak, Alaitz Rekondok hartuko baitu Manolo Arozenaren lekua. Alaitz Rekondo bera ere lesakarra da. Bortzirietako Bertso Eskolan hasi zuen bere harremana bertsolaritzarekin, eta aurkezle eta gai-jartzaile lanetan behin baino gehiagotan aritu izan da, tartean Txapelketa Nagusian. 

• 
•