Umorez: Generoa Bertsolaritzan 2011-02-10

Gaur bukatuko dira jardunaldiak

 Joan zen ostegunean hasi ziren "Umorez: Generoa bertsolaritzan" izeneko jardunaldiak. Jende dezente gerturatu zen Jone Miren Hernandez eta Xabier Odriozolaren hitzaldiak jarraitzera.

 Gaur beste bi hitzaldi izango dira Villabonako Subijana Etxean. Arratsaldeko 18etan Leire Ibargurenek "Nolako umorea egin nahi dugu emakumeok arte eszenikoetan" tesinan oinarritutako hitzaldia emango du. Ondoren, 19:30etan, Maialen Lujanbio eta Judith Montero "Ornitorrinkus" lanaren interpretazioaz ariko dira.

 Euskal Herriko Bertsozale Elkarteko Genero Batzordeak antolatu ditu jardunaldi hauek, bertsolaritza eta generoari dagokionez egungo ekarpen nagusiak plazaratzeko.

 Hitzaldien ondoren afaltzen gelditzeko aukera ere izango da. Erreserba aurrez egin beharko da, Bertsozale Elkartera deituz (943 69 41 29) edo idatziz (umorez@bertsozale.com).

• 
•