Alaitz Rekondori elkarrizketa Gaur8n 2011-02-15

"Nafarroak bertsolaritzan zeresana emango du etorkizunean"

 Alaitz Rekondori elkarrizketa egin dio Gaur8n Ainara Rodriguezek. Nafarroako Bertsozale Elkarteko lehendakari berria da Alaitz Rekondo, Manolo Arozenaren ordez. Esperotako izendapena izan da, Manolo Arozenak askotan esan baitio bera ikusten zuela bere ondorengo. Elkarrizketan Nafarroako bertsolaritzak "loraldia" bizi duela dio, eta etorkizunean ere zeresana emango duela. Gainera, txapelketan aurrerapausua eman dutela nabarmentzen du, finala Iruñean eginda, Labriten.

 Alaitz Rekondo gai-jartzaile moduan ezagutu dugu orain arte, eta kargu berriak ez dio lan hori eragotziko. Txapelketetan izandako esperientziez eta gai-jartzaileen egoeraz mintzo da elkarrizketan.

• 
•