Atzo izan zen inaugurazioa 2008-10-17

Bertsozaleek eta erakundeek harrera beroa egin diote Elkartearen egoitza berriari

Goiz eta arratsaldeko inaugurazio ekitaldia izan zuen atzo Bertsozale Elkartearen egoitza berriak. Goizean proiektuan lagundu duten erakundeen txanda izan zen, eta arratsaldean bertsozale eta Villabonako herriarena. Tabernaz tabernanko bertso saio laburrekin hasi zen ekitaldia eta egoitza berria txiki gelditu zen hara bildutakoak hartzeko. Barruan ere bertso ekitaldiak izan ziren eta Xabier Amurizak nabarmendu zuen barruan eta kanpoan egin beharko duela lan, eta bertsolaritzak ez diola egoitza berriari zahartzen utziko. Villabonako Oinkari dantza taldeak eta musika ikasleek ere hartu zuten parte ekitaldian. Egoitza ez da egoteko/baizik hemendik abiatuta/ aurrerantza egiteko bota zuen Egañak
sarrerako bertsoan. Bertsozale Elkarteko Lehendakaria, Iñaki Murua, Gipuzkoako Ahaldun Nagusia Markel Olano, Jaurlaritzako Kultura sailburua Miren Azkarate, Villabonako alkatea Marixabel Arrieta  eta Kutxako ordezkaria Mikel Irizar izan ziren, besteak beste, inaugurazio ekialdian. Eskerroneko eta elkarlan mezuak nabarmendu dira denen gainetik. Iñaki Muruak Elkartearen ibilia eta lan ildoak azaldu ditu eta egoitza berriak ekarriko dituen abaitailak azpimarratu ditu. Agintariek Bertsozale Elkartearen ibilia eta bertsolaritza berritzeko izan duen gaitasuna nabarmendu zituzten.

• 
•