Euskal Herriko Bertsozale Elkartearen 25. urteurrena 2012-01-16
"Beste larogei urtian" liburua eta dokumentala aurkeztuko dira bihar
Urte hauetan Bertsozale Elkarteak egindako ibilbidea jasotzen da liburuan eta dokumentalean. Alberto Barandiaranek idatzi ditu liburua eta dokumentalaren gidoia, eta bihartik aurrera eskuragarri izango dira Lanku.com atarian.
Aurten 25 urte betetzen ditu Euskal Herriko Bertsozale Elkarteak. Urte hauetan egindako ibilbidea jasotzeko asmoz, liburua eta dokumentala osatu dituzte. Alberto Barandiaranek idatzi ditu bai liburua eta baita dokumentaleko gidoia ere. Bihar izango da aurkezpena, Villabonan Euskal Herriko Bertsozale Elkarteak duen egoitzan. Bertan izango dira Iñaki Murua (Euskal Herriko Bertsozale Elkarteko lehendakaria) eta Alberto Barandiaran bera. Gainera, bihartik aurrera eskuragarri egongo dira Lanku.com atarian.
