Bardoak 2012 2012-01-27
Gaur hasiko da Nafarroako taldekako bertso txapelketa berria
Iluntzeko 22etan izango da saioa, Etxarriko gaztetxean. Bilixkorriko (Eneko Lazkoz, Joseba Beltza eta Alain Iriarte) eta Desterratuak (Julio Soto, Irati Majuelo eta Unai Uberetagoena) ariko dira lehian. Datorren astean aurkeztuko da txapelketa ofizialki.
Taldekako txapelketa antolatu dute Nafarroan: Bardoak 2012. Bertsozaleari bertsolaritzaz gozatzeko bestelako aukera bat eskaintzeko asmoz elkarte giroko saioak antolatu dituzte. Otsailaren 3an jarriko da martxan ofizialki txapelketa, baina Etxarriko saioa aurreratu egin behar izan dute eta gaur izango da lehenengo saioa Etxarriko Gaztetxean, gaueko 22etan. Bi talde ariko dira lehian. Alde batetik, Sakanako Bilixkorriko (Eneko Lazkoz, Joseba Beltza eta Alain Iriarte). Bestetik Iruñerria eta Gorritiko Desterratuak (Julio Soto, Irati Majuelo eta Unai Uberetagoena). Sarrera 3 eurotan jarri dute.Txapelketaren inguruko xehetasun guztiak datorren astean emango dituzte antolatzaileek.
