40 urte plazan ibilia 2012-02-12

Manuel Lasarte hil da

Manuel Lasarte bertsolaria hil da, 84 urterekin, 40 urte inguru plazaz plaza goi mailan emanda. Manuel Lasarte, Uztapideren belaunaldiarekin jardun zuen, eta baita Lazkano eta Joxe Agirrerekin ere. Lizaso, Egaña eta Peñagarikanoren belaunaldiarekin ere ibili zen plazan. Fintasuna eta teknikoki oso estilo landua izan dira bere bertsokeraren ezaugarri nabarmenduena. Bapatean ez ezik, bertso jarri asko ditu, baita zenbat liburu ere. Bi liburu idatzi zituen bertso jarri eta bat-batekoekin: Bertso-mordoxka (1970), eta Gordean neuzkanak (1975). Era berean, egunkarietako artikuluak bildu eta argitara eman zituen Beranduko lanak (1992) izenburupean. Enbor zarraren ezpalak (1995), Kantuaren ordainez (1997). Lazkao Txiki eta Uztapideri buruzko lan bana ere idatzi zuen Lasartek: Lazkao Txiki gogoan (1995) eta Uztapide gogoan (1999).

Manuel Lasarteren gorputza Zarauzko beilategian izango da gaur goizeko 11etatik aurrera, eta hileta Orion izango da, gaur arratsaldeko 19:30etan, San Nikolas elizan

• 
•