Agenda 2012-02-25

Lezon jaialdia gaur eta Andoainen igandean

Lezon jaialdia izango da gaur eta Andoainen igandean. Lezon rtero Mañontzi bertso-eskolak antolatzen duen saioa da gaurkoa. Gaueko 22:30etan hasiko da eta honako bertsolari hauek kantatuko dute bertan: Aitor Sarriegi, Aitor Mendiluze, Jon Maia eta Anjel Mari Peñagarikanok.

Andoainen ere tradizio handiko saioa egingo dute Bastero kulturgunean: Sahararen aldeko bertso-saioa. Eguerdiko 12:15etan hasiko da saioa, eta honako bertsolari hauek kantatuko dute bertan: Agin Rezola, Aitor Mendiluze, Jexux Mari Irazu, Jokin Sorozabal, Anjel Mari Peñagarikano eta Andoni Egaña. Gai-jartzen, berriz, Joxe Manuel Oiartzabal jardungo da.

Bestalde,  gaur Zumarraga Urretxuko bertso-eskolak urtero antolatzen duen Martxoan Bertsoa ekimena hasteko, bertso-kirol desafio umoretsua egingo da Azkoitian, Aizpurutxon. Lehendabizi, eguerdiko 12etan, kirol desafioa egingo dute frontoian. Ondoren bazkaltzera joango dira Itziar jatetxera, eta han bertso desafioa burutuko dute.

 Ordizian Asteburu Kulturala antolatu dute aurten bigarrenez, eta bertso-afaria egingo dute gaur Tximista sagardotegian. Iluntzeko 21etan hasiko da afaria, eta Iban Urdangarin eta Iker Zubeldia bertsolariak kantuan hasiko dira gero.

• 
•