BideoKopla lehiaketa 2012-05-29

Bertso-bazkaria Iruñean

Giro ederra zegoen larunbatean Iruñeko Alde Zaharrean. Eguraldi onak lagunduta, txaranga, trikitilariak, kontzertuak... zeuden kalea alaitzen. Izan ere, Alde Zaharreko eguna baitzen Iruñean.

Eta kasualitatez, handik oso gertu izan zen BideoKopla lehiaketaren sari-banaketa; Alde Zaharraren erdigunean, Iruñazaharra sagardotegian.

 Bapo jan eta edan ondoren, publikoarean saria irabazi duten Garesko Errobi euskaltegiko kideei eta sari nagusia irabazi duten Iruñeko bertso-eskolakoei zegokien opari-sorta eman zieten AEK-kako arduradunak eta Bertsozale Elkarteko Iñaki Murua lehendakariak.

Sari-banaketarekin jarraitzeko, bertso-festari ekin zioten. Maialen Lujanbio eta Jon Maiaren bertsoak ere opariaren parte baitziren. Umorez aritu ziren biak eta ondo asetuta utzi zuten iruñarren bertso-gosea.