Aurten 21. edizioa beteko du 2012-11-28

Abian da Xenpelar Saria

 Gazte sariketen artean entzutetsuenetako bat da Errenterian Xenpelar Bertso Eskolak eta Ereintza Elkarteak antolatzen duten Xenpelar Sariketa. Aurtengoan 21. edizioa bete du ekimenak, eta 18 bertsolari gazte ariko dira kantuan. Joan zen ostiralean jokatu zen lehendabiziko kanporaketa eta honela gelditu zen sailkapena:

 1.- Ane Labakak             209,5 puntu
 2.- Aitor Urbietak          200,5 puntu
 3.- Gorka Maizek            197 puntu
 4.- Haritz Casabalek        197 puntu
 5.- Amaia Iturriotzek       191 puntu
 6.- Maddi Ane Txoperenak    183,5 puntu

 Gauzak honela, Ane Labakak eta Aitor Urbietak lortu zuten finalean kantatzeko txartela. Dena den, Ane Labakak kanpora joan behar duenez, Gorka Maiz ariko da bere lekuan.

 Datozen bi kanporaketak asteburu honetan izango dira, ostiralez eta larunbatez, iluntzeko 19:30etan, Xenpelar Etxean. Ostiralean honako sei bertsolari hauek kantatuko dute:

 Arrate Illaro
 Asier Azpiroz
 Iker Agirre
 Iñaki Aleman
 Maddi Sarasua
 Peio Ormazabal

 Larunbatean, berriz, honako hau izango da oholtzara igoko den seikotea:

 Aimar Karrika
 Ander Solozabal
 Jone Uria
 Manu Goiogana
 Oier Aizpurua
 Unai Gaztelumendi

 Aurten ariketetan aldaketak izan dira, eta honako hau da kanporaketetan bertsolariek osatu beharreko lana:

 -Ofiziotan, hiruna bertso neurri eta doinu librean
 -Ofiziotan, hiruna bertso "Iparragirre abila dela" doinuan
 -Binaka kopletan launa osatu arte
 -Kartzelako lana: Bakarka, hiruna bertso zortziko handian

 Kanporaketa bakoitzetik lehenengo bi sailkatuak pasako dira finalera. Azkeneko saioa abenduaren 8an izango da, larunbatez, Errenteria Hiria Kulturgunean arratsaldeko 18etan. Honako lan hau osatu beharko dute bertsolariek:

 -Ofiziotan, hiruna bertso neurri eta doinu librean
 -Ofiziotan, hiruna bertso neurri eta doinu librean
 -Bakarka: bi punturi erantzun eta 9ko txikian hitza emanda bertso bat osatu
 -Binaka puntutan, bakoitza hiru aldiz hasita
 -Bakarka: Hiruna bertso zortziko handian

 Behin lan hauek eginda, bi bertsolari puntuatuenak pasako dira buruz burukora. Honako ariketa hauek egin beharko dituzte bertan:

 -Ofiziotan, hiruna bertso "Mañontzi" doinuan
 -Kartzelako lana: Hiruna bertso doinu eta neurri librean

 Informazio gehiago nahi izanez gero egin klik hemen.   

• 
•