Inprobisazioa eta umorea eskenategian 2013-04-26

Virginia Imazen ikastaroan parte hartzeko epea datorren astean amaituko da

Maiatzaren 5ean amaituko da Virginia Imazen "Inprobisazioa eta umorea eskenategian" tailerrean izena emateko epea. Ekainaren 28-29-30 da, Bergaran. Izena emateko: umorez@bertsozale.com /(+34) 943 694 277.

Bertsozale Elkarteko Genero Taldeak antolatuta, sorkuntzari begirako formazio tailerra da "Inprobisazioa eta umorea eskenategian", umorea egiterakoan eta oholtzara igotzeko prestaketan, genero prespektiba hartzen dute kontutan, oinarritik. Genero prespektiba eta sorkuntza uztartzen dituzte, beraz.  Zure "zu" benetako hori (edo zure "zu" onena) topatzeko tailerra da, beti umorea oinarri dela. Hainbat alor landuko dira tailerrean: entzutea, metafora, disponibilitatea, arnasa, literalak, sortzeko jarioa, huts egiteen kudeaketa, hutsuneetatik irteteko estrategiak, gorputza errekuperatzea, eta abar.

Xehetasunak
-Datak: ekainak 28, 29 eta 30.
-Lekua: Aibar Baserria (Oihulari Klownen aterpetxea)
-Partaideak: bertsolari zein zaleak, 14 kide
-Tailerra "mixtoa" izango da: emakume eta gizonak elkarrekin lantzekoa.
-Taldea osatzea: izena emateko ordena hartuko da kontutan, eta genero oreka zainduko da.
-Matrikula (25 ordu) eta egonaldia (jana eta loa): 100¤
*Bertsozale Elkarteak lagundutako ekimena da (partaideko kuotaren erdia lagunduko du Elkarteak).
-Izena emateko epea: apirilaren 11tik maiatzaren 5era
-Izen-ematea/ Informazioa:    umorez@bertsozale.com /(+34) 943 694 277.

• 
•