Bertso-jaialdia 2013-07-22

Urteroko zita Asteasun

Herriko jaietako lehen egunean egin ohi dute urtero bertso-jaialdia. Aurten aldaketa-urtea izan da baina ez dute ohitura alde batera utzi. Maialen Lujanbio, Jon Maia, Amaia Agirre eta Jexux Mari Irazu igo ziren oholtzara Haritz Mujika herritarrarekin batera.

Hilaren 27an egin zuten bertso-jaialdia Asteasuko plazan. Orain arte frontoian izaten zen baina aurten lehengo aldiz plazan aritu dira kantuan. Jaietarako jarritako karpan 200 aulki inguru, eta gutxi geratu ziren hutsik.

Azkenaldian leku askotan ikusten ari garen moduan, lauko jaialdia bilakatu da Asteasukoa ere. Iaz hartu zuten lehenengo aldiz sei bertsolari beharrean lau ekartzeko erabakia eta aurten kopuruari eutsi diote.

Jexux Mari Irazu, Jon Maia, Maialen Lujanbio eta Amaia Agirre aritu ziren bertsotan; Haritz Mujika gazte asteasuarra gai-jartzaile zutela.