Inaxi Etxabe, Oikinako neska 2013-07-19

"Etxean abesten nituen bertsoak, emakumeak kalean kantatzea gaizki ikusia zegoen"

Etxegiroan sortu zitzaion Inaxi Etxaberi bertsotarako zaletasuna, senideen artean. Hasieran besteek idatzitako bertso-jarriak abesten zituen eta ondoren hasi zen Inaxi bertsoak sortzen. Arantzazuko egonaldia, bidaiak, etxeko ospakizunak.... izaten zituen bertsotarako gai.

Jendaurrean abestu du bai, baina etxean, "emakumeak tabernan edo kalean bertsoak abestea gaizki ikusita baitzegoen. Gauzak asko aldatu dira" dio Inaxik.
Gaur egun, emakumeak oholtzan ikusita asko pozten da. Norbaitek esan omen zion 30 urte beranduxeago jaio izan balitz... bere errua ez da behintzat hori.

Inaxi Etxabek oso gustuko zuen Basarri bertsolaria, eta hori kontuan hartuta are min gehiago egin zien hark idatzitako "Aitonaren malkoak" bertsoek. Ez zuten leku onean uzten emakumea bertso haiek eta Inaxi ezin ba erantzun gabe geratu.

Basarriren jaiotzaren 100.urteurrenean egin duten bertso-jarrien emanaldian abestu ditu bertso horiek Inaxi Etxabek, Oikinako neskak.
Gainontzeko  bertsoaldiak aurrerako jarriko ditugu ikusgai Bertsoa.com-en.

• 
•