Asier Azpirozek irabazi zuen atzoko kanporaketa 2013-08-30

Lizardiko bigarren kanporaketa gaur

Lizardi Sariko bigarren kanporaketa jokatuko da gaur Zarautzen, Urpekoak elkartean, afalondoan. Bertsotan, Maite Aizpuruaren esanetara: Ane Labaka, Saioa Alkaiza, Sabin Iraztorza, Alazne Untxalo, Amaia Iturriotz, Mikel Iturriotz, Oier Aizpurua eta Xabi Igoa. Irabazlea finalera sailkatuko da. Bertsolariek lau lan puntuagarri eta 11na bertso dituzte. Hiru lan ofiziotan, zortziko handian, zortziko txikian eta hamarreko txikian, eta bina punturi erantzun.

Asier Azpiroz finalera, kanporaketa irabazita
Lehen kanporaketa jokatu zen atzo eta Asier Azpiroz Zubietako bertsolari gaztea gailendu zen, eta finalean izango da zuzenean sailkatuta. Saio lanik politena ere bera eta Eneritz Artetxe errezildarrak egin zuten: ileapaindegian permanentea egite elkartutako bi amona ziren, festarako prestatzen bata, lutorako bestea. Elkarrizketa bizia osatu zuten hamareko txikian. Bigarren Gema urteaga gelditu zen atzo eta Pello Ormazabal hirugarren. Irabazleak ez besteak puntuaketa orokorraren zain beharko dute finalean izango diren jakiteko. Urpekoak elkartean 45-50 lagun bildu ziren eta bertso giro ona egon zen.

Finala, irailaren 6an Modelo zineman
Lizardi Sariko finala irailaren seian izango da, ostiralez, gaueko 22:00etan, Zarauzko Modelo zineman.

• 
•