Mintzola-Mikel Laboa 2013-09-24

Miren Artetxek jaso du ikerketa beka

 Miren Artetxek jaso du Mintzola Fundazioak eta Mikel Laboa Katedrak elkarlanean sortutako ikerketa beka. Bertsolaritzari lotutako ikerketak bultzatzeko atera zuten beka deialdia, eta transmisioari lotutako ikerketa egingo du Miren Artetxek: "Bertsolaritzaren transmisioa eta euskararen gune sinbolikoaren sendotzea. Ipar Euskal Herriko gazteen hizkuntz identitate eta portaerak". Hiru urtez ariko da ikertzen.

 Gidor Bilbao, Andoni Egaña, Juan Kruz Igerabide, Pío Pérez eta Jon Sarasuak osatu dute epaimahaia. Ikerketa proiektuaren zuzendaria Josu Amezaga izango da eta zuzendari kidea, berriz, Jone Miren Hernandez.

• 
•