Bertsoak eta musika uztartuta 2013-10-31
Beira taldearen diskoa salgai
Jon Martinek idatzitako bertso-sortei musika jarri die Igor Arruabarrenak. 10 kanta biltzen dituen diskoa atera dute, eta Lankuren bidez banatuko dute beraien kontzertuetan eta Bertsolari Txapelketa Nagusian.
2006an hasi ziren Jon Martin eta Igor Arruabarrena elkarlanean. Lehendabizikoak idatzitako sortei musika jarri zien bigarrenak. Bertso-sorta asko musikatu dituzte ordutik, eta, azkenean, 10 kantuko diskoa atera dute. Joan zen ostiralean egin zuten aurkezpen-kontzertua Donostiako Doka Kafe Antzokian. Igor Arruabarrenaren "Hobira" taldeko kide ohiak, Mikel Markez eta Beñat Gaztelumendi, Jokin Labayen eta Arkaitz Oiartzabal "Xamoa" izan zituzten bidelagun. Kontzertuko audioa entzungai dago "Beira" taldearen atarian.Diskoa 5 eurotan jarri dute salgai. Taldeak eskainitako kontzertuetan eta Bertsolari Txapelketa Nagusian Lankuren standean egongo da eskuragarri.
Albiste gehiago
Xabi Paya Ruiz - 'Ganbarako lana' antzezlanaren egilea 2026-02-17
«Bertsolari baten sormen prozesua irudikatu nahi izan dut antzerkiaren begietatik»
Aitor Etxebarriazarra Gabiola - Bizkaiko Txapelduna 2025-12-23
«Finalean eman nezakeena emandako sentsazioarekin gelditu nintzen»
Nafarroako Bertsolari Txapelketa - Finala 2025-11-21
Aniztasunaren argazkia oholtzan
Jexux Mari Irazu
Aitor Bizkarra Ruiz - Bizkaiko Bertsolari txapelketa 2025-10-28
