BTN13. Hirugarren finalaurrekoa 2013-11-16

Aitor Sarriegi nagusitu da Oiartzungo finalaurrekoan

Aitor Sarriegik irabazi du Oiartzunen jokatu den Bertsolari Txapelketa Nagusiko hirugarren finalaurrekoan. Puntuazioa horrela gelditu da:
 
Aitor Sarriegi 688
Alaia Martin 667
Agin Laburu 650
Jon Maia 623
Odei Barroso 620,5
Beñat Lizaso 592,5

Gaur lortu duen lehen postuari esker, besaindarra zuzenean sailkatu da finalaurrekoetako bigarren itzulirako. Azaroaren 24 Donostiako finalaurrekoan kantatuko du.

1.500 bertsozalek bete dute Oiartzungo Elorsoro kiroldegia. Bertsozale Elkarteak eskerrak adierazi die Oiartzungo udalari eta Oiartzungo bertso eskolari saioa antolatzeko eman duten laguntzagatik.

Saio amaieran hainbat bertsozaleri ura erori zaie kiroldegiko sabaitik eta Bertsozale Elkarteak barkamena eskatu nahi die jasan duten kalteagatik.

Bihar lehenengo itzuliko azken finalaurrekoa jokatuko da Murgian. Horren ostean jakingo da zeintzuk diren bigarren itzulirako sailkatuko diren bertsolariak, lehen itzuliko finalaurrekoetako irabazleak eta gainerako hamalau puntuazio onenak.
 



 

• 
•