Bertsolari gazteen jaialdia 2014-03-17

Giro beroa Zestoan

Joan zen ostiralean bertso-saioa izan zen Gaztetxean. Agin Laburu, Aitor Salegi, Jone Uria, Ane Labaka, Oier Aizpurua eta Pello Ormazabal aritu ziren kantuan. 120 lagun inguratu ziren saioa entzutera.

Aurten bosgarrenez antolatu du Zestoako Gaztetxeak bertsolari gazteen saioa. Urtea joan eta urtea etorri, sendotzen joan da jaialdia eta aurten ere leporaino bete da Gaztetxea. Ostiralean egin zen saioa, eta 120 bertsozale gerturatu ziren. Giro beroa izan zuten, beraz, bertsolariek lagun. Gaueko 22:30ak zirela, honako seikote hau atera zen oholtzara:

Agin Laburu
Aitor Salegi
Jone Uria
Ane Labaka
Oier Aizpurua
Pello Ormazabal

Saioak umoretik jo zuen gehienbat, eta entzuleek eskertu zuten hori. Aukeraketa ikusgai daukazue Bertsoa.com-en.