"Errimatuz garenera arrimatuz" 2014-03-26
Emanaldi berezi baten aurkezpena izango da gaur
Hip-hop eta bat-bateko bertsoen arteko uztarketa aurkeztuko du Oskar Estangak (Gaintza, 1978) gaur Donostian. Nerabeei zuzendutako proiektua da.
Proiektu batean baino gehiagotan murgilduta dabil Oskar Estanga (Gaintza, 1978) azken aldi honetan. Gaurkoan "Errimatuz garenera arrimatuz" nerabeei zuzendutako ikuskizuna aurkeztuko du Donostian. Oinarri musikala eta zuzeneko musika lagun, bat-bateko eta aurrez landutako hip-hop kantak uztartuko ditu.
