Harituz Tolosaldeko herri artekoa 2014-04-11

Tolosaldeko taldekako finala bihar Berastegi eta Zizurkilen artean

Bihar Anoetako gaztetxean jokatuko dute Zuzurkil eta Berastegik Tolosaldeko herri arteko finala, 23:00etan hasita. Ekimena lehenengo esperientzia berria izan da eskualdean eta oso harrera beroa eta jendetsua izan du.  Finalari buruzko erreportai interesgarria eta finalisten hitzak eskualdeko Ataria.info gunean

11 Talde hamar herrietan
Tolosaldeak 28 herri ditu eta Herri arteko honetan 10 herrietako 11 talde izan dira bertsotan: Alegi, Amasa-Villabona ( bi talde), Anoeta, Larraul, Amasa, Andoain, Altzo, Berastegi, Tolosa eta Zizurkil. Andoain ez da 'ofizialki' Tolosaldea, baina, parte hartu du ekitaldian.

Momentu egokia antolatzeko
Arrazoi bat baino gehiago izan du Harituzek eskualdeko herri artekoa antolatzeko. Eskualde mailan oraindik elkar ezagutzan zer landua badagoela uste dute eta ekimen honek horretan lagundu dezakeelakoan daude.  Era berean, Harituz taldea bera ere sendotzea ere bada helburua, orain arte iritsi gabeko herrietara heltzea, eta saio gutxi dituzten bertsolarei plazak eskaintzea ere bai. Txapelketak izan duen jarraipena ikusita esan liteke helburuak aise gainditu direla.

• 
•