Maialen Lujanbio 2014-05-22

Bertsolaritza

Bare bezain ahobizarrik gabe hitz egin dio Bertsoa.com-i Maialen Lujanbiok bere bertsogintzaz, azken Txapelketa Nagusiko lanaz eta emaitzaz, sentipenez, gaiek bertsolariari utzi beharreko espazioaz, sortzailearen askatasunaz...

Kosta egin omen zaio Txapelketa Nagusiko ubera atzean uzten, baina, distantziaz begiratuta oso gustura dago egindako lanaz eta utzitakoaz. 'Idortu eta edertu' horrela definitu zuen berak egin nahi zuena eta neurri handi batean lortu zuelakoan dago. Gai irekietan zeri kantatu zion ere kontuan hartzeko detailea da. 2009an, bertsokera narratiboaren garaian, euskal egoera politikoari oso lotutako gaiak landu zituen, zenbaitetan gaiak hala markatuta ere bai. Azken finalean nahiago izan du beste bide batzuk hartzea. Zentzu horretan, gai irekiek ere bertsolariari espazio gehiago uztea proposatzen du, testuinguru jakin batean hain norabide markatua ez izatea, alegia.