Ahozkotasuna eta Bertsolaritza 2009-05-07

Gipuzkoan kurtso bukaerako 57 jaialdi egingo dira eta 7.000 umek hartuko dute parte

Kurtsoa zehar ikasi dutena oholtzaratzeko garaia heldu zaie Ahozkotasuna eta Bertsolaritza lantzen duten neska-mutikoei. Gipuzkoako Elkarteak herrialde honetako datuen berri eman du eta hilabete honetan 57 jaialdi egingo dira 40 herrietako ikastetxeetan, eta 7.000 umetik gora izango dira parte hartuko dutenak.
    Jaialdiak arratsaldean egiten dira, herriari begira, eta gurasoen presentzia ere handia izaten da, eta herri handietan 500-600 lagun ere biltzen dira ekitaldietan. Bertsoaren eta honek dakartzan baliabideen bitartez "irudimena, diskurtsoak garatzeko gaitasuna, hizkuntzarekiko harreman ludikoa, elkarrizketarako zein temarako baliabideak, arrazoiketa kritikoa" eta abar luze bat lantzen saiatzen dira proiektuaren partaide diren irakasle eta ikasleak,
Elkarteak berri eman duenez.  "Beti da motibagarri Ahozkotasuna eta Bertsolaritza proiektuan parte hartzen duten ikasleentzat ikasitakoa jendaurrera eramatea; jaialdi hauek ematen duten aukera baliatzea, beraz, modu bikaina da egiten duten ahaleginari esker ona adierazteko", Gipuzkoako Elkartearen hitzetan.
    Bertsolaritzaren eta ahozkotasuneren eremuaz gain, kurtso bukaerako jaialdi hauek badute bete berezitasun bat ere: Kasu askotan, herriko ikastetxe ezberdinetako umeek elkarrekin oholtza berean egiten duten ekitaldi bakarrenetakoa, edo bakarra izatea.

• 
•