Josune Zabala - Mintzolako zuzendaria 2009-05-12

“Ahozkotasuna lantzen eta ikertzen dutenen arteko sare gisa ikusten dut Mintzola”

Josune Zabala hasi da Mintzolan zuzendari lanean. Ilusio handiz heldu dio ardura berriari. Ahozkotasuna lantzen eta ikertzen dutenen arteko sare gisa ikusten du Zabalak Mintzola eta lehenengo lana Euskal Herrian ahozkotasunaren inguruan ikertu eta egin denaren mapa osatzea izango da, diagnosi horren gainean ikerketak planteatzko. Urte bukaerako hori eginda izatea espero du. Planteamendu teoriko aldetik, ikuspegi soziodiskurtsibioa dakar Josune Zabalak hizkuntzaren ikerketara, eta bide batez bertsolaritzara. Planteamendu teoriko hau  komunikazio ikuspegiaren barruan kokatutako ildo berria da, baina, aurrekoaren osagarria, Zabalaren esanetan.

Mintzolaren helburuak ahozko tradizioa ikertzea eta egungo beharrei erantzutea dira. Lan-ardatz nagusiak ere zehaztuta daude, Joxerra Garziak landutako proiektuan eta hori izango da zuzendari berriaren abiapuntua.

Baliabide aldetik, Mintzolak zuzendari bat eta laguntzaile bat izango ditu. Baliabide ekonomiko aldetik berriz, Mintzolak oraingoz ez du ikerketak bultzatzeko aurrekontu propiorik, bere zeregina egitea baino eragitea izango baita.  

• 
•