Europa Bat-Batean 2016-05-02
Cantadoriak: hizkuntzari lotutako kantu inprobisatua
Sardiniatik Simone Monni eta Paola Dentoni inprobisatzaileak etorri ziren Euskal Herrira Europa Bat-Batean ekimeneko Girotze Saioetan kantatzera. Beren kantu inprobisatuaren berri eman ziguten.
Mediterraneoko uharte bat da Sardinia. Bi hizkuntza ofizial daude bertan: sardoa eta italiera. Azken urteotan, ordea, italiera nabarmen ari da eremuak irabazten, gazteen artean bereziki. Bertako kantu inprobisatuan aritzen diren cantadoriek sardoz inprobisatzen dute. Orain dela bi aste Paola Dentoni eta Simone Monni cantadoriak izan ziren Euskal Herrian Europa Bat-Batean ekimeneko girotze saioetan kantatzeko, eta beraien kantu inprobisatuaren berri eman ziguten.
