Odei Barroso - Elkarrizketa 2017-01-05

"Gaien inguruan gogoeta egitea da gehien gustatzen zaidan lanketa"

Bertsotan bere nortasuna islatzea eta gauza berrien bila aritzea maite ditu Odei Barrosok, nekeza dela onartu arren. Plazan lehen baino gehiago gozatzen du: "Autokritika eta autoesijentzia ondo daude baina, neurrian" dio, bertso garapenean akuilu ordez traba izan litekeela argudiatuta. Xilaban egindakoaz pozik da. Euskal Herrikorako lan eginda eta bertso gosez iritsi nahiko luke. Barrosok, rapa ere biziki gustuko du eta rap kantuetan islatzen du, batez ere, bere barne mundua, mundu intimoa. Inoiz pentsatu izan du erabat sorkuntzara jartzea eta aitortu du desio duela bertsogintza gehiago lantzea, baina ez, ez du posible ikusten.