Mikel Mendizabal - Elkarrizketa 2018-06-07

"Nire ustez transmisioan klabea izan da gaztetxoek taldean funtzionatu dutela"

Mikel Mendizabal (Itsasondo, 1956) bertsolariak parte hartze zuzena izan zuen laurogeigarren hamarkadan bertsolaritzaren transmisioan emandako iraultzan. Euskal Herriko Eskolarteko Txapelketaren 30. edizioa jokatuko da larunbatean Saran eta berak jantziko dio irabazleari txapela, egindako lanaren esker onez.

70. hamarkada bukaeran hasitako mugimenduak 1981an ekarri zuen lehenengo Eskolartekoa, Donostian, Karmelo Baldan, urtebete lehenago Xabier Amurizak irabazitako Euskal Herriko finala jokatu zen gune berean. Jarraian, proiektu oso bat abiatu zen Mikel Mendizabal bera eragile zela, pixkanaka herrialde guzitetara zabaldu zena. Mendizabalek prozesu horren gakoak azaldu dizkio Bertsoari.

Mendizabal bertsolaria
Transmisio laneko ardura hartu zuenean, 1982an, 26 urteko bertsolari gaztea zen Mendizabal. Laurogeian plazaratu zen belaunaldi berri bateko kide, Iñaki Murua, Sebastian Lizaso, Anjel Mari Peñagarikano eta beste batzuekin batean. Ordurako plazan nabarmendua, Euskal Herriko bi finaletan kantatua eta urte askoan lehen lerroa ibilia. Plaza "pasioz" bizi izan zuela dio.

Entzun Bertsoan bere testigantza interesgarria.