Maite Berriozabal - Elkarrizketa 2018-10-31

"Gaietan bide berriak egiteko moduak topatzeak motibatzen nau"

Maite Berriozabal (Berriz, 1987) da egun gai-jartzailetzako erreferentziatako bat. 18 urte ingururekin hasi zen plazaz plaza, eta, aitortu duenez, txapelketa izan da bere eskola nagusia, ofizioa erakutsi diona. Formatu eta ekitaldi mota askotan jarri du bere sorkuntza lana eta 2017an Txapelketa Nagusian BEC-eko oholtzan ere aritu zen Berriozabal. 

Foro edo topaguneak beharrezko
Harremanen eta egunerokotasunarekin lotutako egoerak ditu gustuko gaietan eta bide berriak egiteko moduak topatzea da ofizio honetan Berriozabal motibatzen duen gauzetako bat. Horretarako, eta beste aurrerapauso asko emateko ere, bai gai-jartzaileen arteko zein bertsolari eta gai-jartzaileen arteko topagune edo foro egonkorra ikusten ditu beharrezko, pauso horiek konpartituak izateko.

Generoan, oinarri komunak finkatu beharra
Generoaren inguruan, kontzeptuak partekatu eta oinarri komunak finkatzeko beharra dagoela uste du Berriozabalek.

Jarraitzeko gogoz
Gai-jartzailetza gustatu egiten zaiola aitortu du eta aurrera jarraitzeko ilusioz ikusten du bere burua, behar bada lan bolumena neurtu beharko badu ere. Pozetik beste estuasunetik bizi du bere lana, gaiak mimoz eta detaile handiz prestatu arren, saioa ondo aterako den bermerik ezak ematen duen kezka horrekin.

 

 

Albiste gehiago

Aramaion, Hernanin, Mutrikun eta Saran 2022-07-11

Beste lau aukera Lujanbioren 'Garaiaren erradiografia mugitua' ikusteko

Bertsoak Sanferminetan 2022-07-08

«Bertsoei zapi gorria» San Ferminetan

San Pedrotako jaialdia 2022-07-08

Plaza bero Asteasun

Manuel Lekuona kultur etxean 2022-07-08

Lasarte-Oriako bertsoak sarean

Aner Peritz Euzkitze - Basarri Sariko irabazlea 2022-07-08

«Errima bikoitza behartu gabea izatea kosta zait gehien»